歡迎收睇嘉儀在線。政府終於公佈左向市民發放 $5000 電子消費券的詳情，最快 7 月 4 日就可以登記，最早 8 月 1 日發放第一批電子消費券。可以用來來接收消費券的營運商包括有八達通、Tap & Go、AlipayHK 支付寶香港，以及 WeChat Pay微信支付香港。我地而家一次過同大家講解下各項重要時間、使用期限，同埋營辦商提供的各種優惠，去片。
登記日期方面， 7 月 4 日至 8 月 14 日，可以進入政府「消費券計劃網站」內，進行電子登記：咁幾時先收到錢呢? Tap & Go/ AlipayHK / WeChat Pay會分 2 期發放：第一期$2000會在8月1日發放，第二期$3000就會在10月1日發放。至於八達通會分 3 期發放，第一期：$2000 8月1 日發放，無限期使用，第二期$2000 10月1日發放，至於第三期$1000，需要先用盡第一期與第二期共$4000，才會獲發。
咁究竟邊個可以早啲拎齊$5000呢？由於八達通將會分 3 個階段發放消費券，其他平台則分 2 個階段發放消費券。意味著 Tap & Go / AlipayHK / WeChat Pay HK 可讓你最快在 10 月 1 日就能儲齊 $5000 元消費券；而八達通用戶就唔可以集齊 $5000 消費券一次過使用喇。
為左吸引市民登記，幾個嗇運商都各出奇謀，其中Alipay HK推出合共逾10億元優惠，包括餐飲換領券、乘車券獎賞等。WeChat Pay HK亦推出加碼賞，每人最多可獲5,000元。而邁通過八達丁收取就最多可獲118元的增值額。Tap & Go拍住賞優惠較少，大部分都是用消費券獎付帳單。
咁消費券不可用來買咩呢?一般來說，消費券適用於這幾個營運商作付款方式的本地零售、餐飲和服務業商戶的實體及網上店舖，例如零售店、街市攤檔、百貨公司、超級市場、便利店、餐廳、公共交通等。不過就唔可以用來交政府收費、水電煤、學費、非本地網上購物平台、個人對個人支付以及兌換現金等，大家要留意喇。
$5000 電子消費券即將到手，有朋友好心急馬上消費，亦有人希望儲齊 $5000 然後一次過用來買d貴野，幾間營運商都各出奇謀將應用範圍擴展至更多商戶。大家生活上的衣食住行，究竟用邊一款電子支付工具來收取消費券最適合大家，即刻同你地分析下。
消費券除了可支付交通開支之外，亦可以在在街市、超市、便利店買日常生活用品、又可以用於飲食消費。基本上飲食、買生活用品、買衫都足夠你洗盡 $5000。
先講下鐘意飲飲食食的朋友用邊個來消費最好？目前幾乎所有連鎖式食肆、餐飲集團都支援全部消費券相關電子支付營辦商。而市面上幾間分店甚至只有一間店鋪的小店、茶餐廳、食肆也支援八達通、AlipayHK等電子支付方式，所以 $5000 在數個月內全部「食」完亦不是問題。
想去酒店Staycation 又應該揀邊個呢?現時市面上大部份酒店都接受信用卡，Tap & Go 變得較為有利，而相當多酒店亦收取 AlipayHK、WeChat Pay HK，八達通就少d。
唔少朋友都打算利用子消費券換番部電話，四個方法其實都可以購買電子產品。不過要留意部份網站不支援使用八達通、AlipayHK 以及 WeChat Pay HK，在實體店購物會比較方便。但 Tap & Go 用戶都要注意，部份電器店 購物需要收取手續費，買之前記得向店鋪查詢。
最後就係網購平台喇，消費券可在本地網購平台、網店使用，但就不能於非香港網購平台使用，亦即是說 Amazon、ebay、淘寶、Facebook 商店、Instagram 商店都唔可以用架。
五千蚊話多唔多話少唔少，點樣可以將佢既效用發揮到最大呢? 有網民就諗到精明咁使用5,000元，包括參與商戶的分期付費計劃，買較高價的電器、買超市現金券延長使用期，又有人諗到轉入行銀戶口變相套現，亦有人提議買金博升值再賣番出去，真係好有創意。不過網民的提議係咪可行仲要等政府公布相關細節。我就諗住買d小禮物送給父母，請下朋友食飯，因為我覺得將快樂同身邊既人一齊分享係最有意思既，你又計劃好點樣利用呢5000蚊未呢? 今集傾到呢度，喜歡呢條片的朋友，記得按掣訂閱我們，再見。
風險及免責提示：以上內容僅代表作者的個人立場與觀點，不代表華盛的任何立場，華盛亦無法證實上述內容的真實性、準確性和原創性。 投資者在做出任何投資決定前，應結合自身情況，考慮投資產品的風險。 必要時，請諮詢專業投資顧問的意見。 華盛不提供任何投資建議，對此亦不做任何承諾與保證。
